走過十萬八千里找到你

營業中

休息中

Happy Friday同老公去左走過十萬八千里找到你係杏花邨新開既分店食晚餐。呢間分店都有花花裝飾係頂，仲有蛋糕同麵包櫃。到現場都要等一陣間先有位，新開張好旺場。我地叫左兩個set dinner。是日餐湯係南瓜湯。帶子蟹膏蟹肉意大利飯帶子有兩粒，幾彈牙，意大利飯充滿蟹肉同蟹膏，好容易每一啖都食到。溫泉蛋海膽汁蟹籽意粉意粉非常creamy，食到最後仲有剩好多醬汁，所有材料撈勻食，意粉變得好滑溜。飲品兩杯都要凍檸檬茶，不過一杯少冰走甜。