明記咖啡糖水小食 (已結業)

每次同朋友一去到港島東，就一定要食呢間明記糖水！餐廳有好多款糖水選擇，我哋就叫咗招牌嘅多芒小丸子同埋雙色綿綿冰多芒小丸子份量真係好多，小丸子煙煙韌韌好有咬口。配搭埋底層嘅芒果沙冰酸酸甜甜又好食！難怪佢可以成為明記嘅招牌甜品之一！另外就叫咗個雙色綿綿冰-雲呢拿同埋朱古力。雲呢拿正正常常，反而佢個朱古力味真係好有驚喜！食落覺得朱古力味好濃，仲要越食越覺得自己好似食緊真朱古力咁🤣配料亦都十分之足料，有西瓜同埋其他生果，真係食唔停口！所以每次嚟到西灣河一定要食佢❤️❤️