影片
更多
2022-07-30
12563 瀏覽
2022年夏天staycation第二擊，揀左港島海逸君綽酒店。Package包高級海景客房 + 早餐，星期五入住價錢為$1260。入住後第二天於Harbour Grand Café享用早餐，7點至10點半。呢度早餐係自助形式，一齊睇下有咩食啦！食物基本上一字排開，最入有熱麥皮同粥。粥得一款豬肉粥，其他粥配料仲多過主人婆即係粥本身。炒西蘭花同炒雜菌就暖暖地，叫做有d熱菜食下，唔錯。熱食仲有炒麵，腸粉，炒滑蛋，茄汁豆，烚蛋。點心有牛肉燒賣，素菜餃，同蓮蓉包。牛肉燒賣肉少，細細粒，好麻麻。素菜餃皮厚，有脆口粟米係入面算好少少。蓮蓉包皮厚餡少，不過蓮蓉餡質素係及格。春卷少少脆皮同煙煙韌韌，似蔬菜餡。厚切火腿就非常好食，呢個驚喜，外面好少有得食。脆口迷你薯餅好香口又唔油。仲有烤番茄，唔脆既煙肉，同香腸兩款。雜肉腸就唔脆皮不過都可以。蛋station好似只得太陽蛋，無omelette或者egg benedict。早餐穀物有4款。隔離有煙三文魚，同火腿幾款。沙律有青瓜片，唔多新鮮既車厘茄，粟米粒，同一款沙律雜菜。芝士有3款，兩硬一軟，軟芝士Brie正常。果乾有3款，有杏，木瓜乾同香蕉乾，有木瓜乾真
呢度早餐係自助形式，一齊睇下有咩食啦！
食物基本上一字排開，最入有熱麥皮同粥。粥得一款豬肉粥，其他粥配料仲多過主人婆即係粥本身。
炒西蘭花，炒雜菌
47 瀏覽
0 讚好
0 留言
炒西蘭花同炒雜菌就暖暖地，叫做有d熱菜食下，唔錯。
熱食仲有炒麵，腸粉，炒滑蛋，茄汁豆，烚蛋。
點心
42 瀏覽
0 讚好
0 留言
點心有牛肉燒賣，素菜餃，同蓮蓉包。牛肉燒賣肉少，細細粒，好麻麻。素菜餃皮厚，有脆口粟米係入面算好少少。蓮蓉包皮厚餡少，不過蓮蓉餡質素係及格。
春卷
44 瀏覽
0 讚好
0 留言
脆口迷你薯餅好香口又唔油。仲有烤番茄，唔脆既煙肉，同香腸兩款。雜肉腸就唔脆皮不過都可以。
蛋station好似只得太陽蛋，無omelette或者egg benedict。
早餐穀物有4款。
隔離有煙三文魚，同火腿幾款。
沙律有青瓜片，唔多新鮮既車厘茄，粟米粒，同一款沙律雜菜。芝士有3款，兩硬一軟，軟芝士Brie正常。
果乾有3款，有杏，木瓜乾同香蕉乾，有木瓜乾真好。
雀巢乳酪4款，有藍莓，士多啤梨，菠蘿，同原味。
水果有好水既西瓜，好甜既菠蘿同哈密瓜，同少見既荔枝同罐頭水果。
蛋糕仔有3款。
窩夫，麵包
73 瀏覽
0 讚好
0 留言
自助冷飲有橙汁，蘋果汁，同牛奶。果汁質素正常。出入口附近都有自助咖啡，熱檸茶，熱檸水。
總括而言，餐廳地方大，不過食物選擇少，其實無乜野食，食物質素勉強可以，主要係厚切火腿同薯餅最好食，其他食物都麻麻地，有d失望。座位就舒適，我地坐左係窗邊，可以有泳池景送早餐。服務正常。食物方面作為一間5星級酒店既自助早餐有d失望。見環境同服務可以先比ok。
張貼
