達人烤肉 (已結業)

一直都好想試下呢間韓燒，今日黎開港島區，終於有機會啦！達人烤肉都幾近地鐵站，同幢大廈都有好多唔同種類既餐廳。一入到去諗住韓燒應該都烏雲密佈啦，但環境十分乾淨亦唔大煙，同我想像中既係完全唔同！店員介紹我們五花腩肉，護心肉，牛舌。五花腩肉拎出黎個陣真係有啲震撼，佢係系一個竹筒到拎出黎，一路燒既時候一路出肉汁！睇見到想食！入口五花腩既肥瘦分佈岩岩口，又脆口，非常好味！護心肉又係非常之好味，入口非常爽脆，口感細膩。牛舌則非常爽口，佢地切得非常薄，燒一陣已經熟晒，牛味亦好重。值得推介！