cafe TOO

今天一家人去港島香格里拉食lunch buffet❤️都算幾多嘢食，而且食物質素都算高。刺身、壽司、海鮮、沙律、熱食、燉湯、印度咖喱及薄餅、泰式美食，仲有夏宮嘅即蒸點心、中菜、燒味，講得出嘅食物都有，而且味道都不錯呀！宜家仲有「港式 •港食」期間限定主題，同安利魚蛋粉麵、妹記生滾粥品、一樂燒鵝、檀島咖啡餅店等老店合作，有得一次過食哂佢哋嘅招牌菜，食到老店的原味😋😋我推介安利豉油撈粗加魚蛋、柱候牛腩，同埋妹記嘅生滾粥同肉丸，啲油炸鬼脆卜卜！真係好正呀！另外，佢嘅甜品站都超多甜品，仲有榴槤甜品，雪糕，啲水果一樽樽都放得好靚，見到已經令人好雀躍，有一粒正方形嘅朱古力好好食！😂屋企嘅小朋友都食得好開心呀！自助午餐黎講，港島香格里拉都算值回票價！氣氛良好，服務態度亦佳。價錢: 💰498/1 (大小同價，香格里拉會員小童半價，HSBC信用卡8折，另按正價收加一服務費)評分: 8.5/10🤤