德豐粉麵茶餐廳 (已結業)

和同事早左放工，去深水埗買電話卡，同事話想飲杯奶茶，我就有D 肚餓，見今晚要等埋老婆先有飯食，一於食個茶餐先。行完黃金和高登，又唔想行咁遠，行前少少見到呢間茶餐廳，可以一次過滿足我和同事的兩個願望。睇完MENU，都唔駛諗，因為太耐無食過炸脾薯條，呢D 食物，利口唔利福，一次半次，豁出去。一般茶餐廳貨仔，唔會好有驚喜，炸脾係新鮮即炸的，不過就炸得老左D ，外面硬左D ，肉質都OK，但隻脾就細左少少。薯條味道就麻麻，又唔係鮮炸，一早炸好。價錢還可以，其實如果肯行遠D ，應該會有好多選擇。