鮮‧港式串燒吧 (已搬遷) 新店位置

係觀塘呢個人多擠逼嘅地方，想同朋友坐低好舒服咁傾下計，於是就揀咗呢間串燒。呢間餐廰嘅坐位唔會好逼，坐落好舒服，可以同朋友慢慢食，慢慢傾。一入到黎侍應就俾咗呢碟醬汁，左到右分別係泰式嘅酸辣醬、粗鹽同日式豉油（係介乎於鰻魚燒汁同日式豉油之間，食落帶甜味，好香口）。直至上咗第一碟菜，我終於明白點解呢間鋪頭強調自己係港式串燒屋。同一般嘅重慶、泰式或者印尼燒烤唔同，呢一類嘅燒烤通常會加上大量調味同醬汁去燒，味道雖然係好好，但食落就好易變咗食乜都係果個醬汁味。呢到所謂嘅港式串燒，大部分菜式都係原汁原味咁燒，黎到可以食到食材嘅原味，重口味嘅人就可以自己加醬汁，呢個亦都係我係香港食燒烤唔常見嘅。首先一黎係送酒必用嘅雞泡魚乾，呢到嘅雞泡魚乾唔會燒太耐搞到太乾太硬，硬度適中，而且好香口，送酒佳品。最推介應該係佢地嘅鯖魚定白鱔，白鱔爽口，咬落去有一疊肉汗咇出黎。鯖魚肉質鮮嫩，唔會覺得「鞋」。呢兩樣雖然係燒魚但食落完唔覺油膩。焗金菇同芝士焗菇突顯到兩種菇嘅香氣，一上枱就聞到好香好香，隔離枱都即刻望過黎。其他食物由於佢無落太多調味嘅關係，食得出食材原本嘅味道，亦食得出佢地嘅食材對比其他串燒店係比較靚，而唔係淨係