鮮‧港式串燒吧 (已搬遷) 新店位置

天氣開始轉涼 ，係時候搵啲暖肚嘅嘢食， 喺觀塘行完街，同朋友搵野食， 最緊要係輕食，又有得坐下傾下偈。先黎乳豬一份， 例牌份量唔算大分， 勝在乳豬皮夠脆， 肉夠嫩， 肉汁又豐富。 燒出嚟嘅，最大賣點就係勝在唔肥膩。下一樣法國燒春雞半隻， 有眼睇 ，外型上已經輸咗， 不過雞味都幾鮮， 味道取勝。本身想食雞全翼，sosad，無得食。轉食串燒雞中翼。 大大隻，味道唔錯， 個人認為雞翼畀春雞好。燒蘆筍， 當食啲菜落肚，都係一個唔錯嘅選擇。蘑菇雞肉飯糰， 飽肚之選， 外表燒到脆卜卜， 內裏蘑菇雞肉餡料十足。懷舊可口可樂細支裝， 最重要就要飲汽水，咁先夠爽。