鮮‧港式串燒吧 (已搬遷) 新店位置

喺觀塘行完駱駝漆搵食，就黎咗呢間串燒店。呢度店小小，都唔洗等就有位。呢度算係小店呀，人少少，得幾張枱又坐得舒服。叫咗幾款串燒，包括: 翠肉瓜、雞腎、燒白鱔、雞軟骨、雞皮、墨魚腸、一口牛、雞翼、流心燒賣、腐乳雞肉串，燒蟶子同燒芝麻湯圓。燒白鱔真係好難輸，食親都係good，所以多數嗰間串燒店有白鱔，我都會叫。我都推介墨汁墨魚腸，雖然佢黑蚊蚊，但佢唔會甩色架，即係鮮墨汁打出黎，唔係後加。我第一次食流心燒賣。佢係芝士流心架。我食咗兩粒都唔算膩，又幾香。另外，我都好喜歡燒芝麻湯圓！外面有少少脆，入面又會流小小心。呢度個有蠔架，價錢中挺，我估就係隔離攞貨。