妹記大排檔 (已結業)

一班朋友如果想食飯，飲下啤酒，我覺得最好就係去大排檔，想乾淨企理，我嘅第一選擇係呢一間室內嘅大排檔。我哋今次有八個人一齊去食所以可以叫多幾個餸。不過我最鍾意嘅係黑椒薯仔牛柳粒，鬼馬油炸鬼，炸豬手，同埋蒜蓉粉絲蒸扇貝。黑椒薯仔牛柳粒份量非常足夠，炒得好有鑊氣，薯仔亦都唔會太林，煮得啱啱好。油炸鬼係好似墨魚滑咁既，用黎送酒一流！炸豬手係呢一度嘅招牌菜，人少啲都嗌唔到啊，因為份量好多！豬手炸到脆卜卜！蒜蓉粉絲蒸扇貝就好新鮮，蒜蓉粉絲亦都可以索晒啲汁呢度嘅嘢食都唔錯，但可能太多人，有啲嘈。