影片
更多
2021-11-15
828 瀏覽
餐廳：Le Reveur At Flower Market (太子)地址：太子花園街244-246號惠寧閣地下B號舖你鐘唔鍾意發夢？無論喺發白日夢定喺成為一個夢想家，我相信每個人唔多唔少都會有一啲收埋喺自己內心嘅諗法🧠太子花園街其實都幾多嘢食，行經 Le Reveur At Flower Market @le.reveur.cafe 呢間餐廳，比佢門口塊木板一句「His Mercy is New Every Morning」吸引咗我入去，同時令我諗起聖經耶利米哀歌3章22至23節「就是耶和華的慈愛永不終止，祂的憐憫永無窮盡。祂的慈愛和憐憫每天早晨都是新的，祂的信實無比偉大！」🙏 Le Reveur解作DayDreamer，相信老闆喺一個愛做夢嘅人，先會將呢間餐廳打造得別具一格，仲花咗唔少心思係裝修上面：各式各樣嘅燈罩、遍布成間餐廳嘅植物🪴、隱藏喺唔同空間嘅貓貓圖案🐱、優雅不俗嘅牆紙、瑟縮一角嘅經文，睇嚟老闆係一個又鍾意貓又鍾意靚嘢嘅基督徒😎餐廳開咗一年幾，除咗喺一間Cafe有各式各樣拉花同手沖咖啡之外☕️，佢哋仲主打比較新穎嘅法國菜🇫🇷，原來老闆讀過法國烹飪課程，喺一個不折
地址：太子花園街244-246號惠寧閣地下B號舖
你鐘唔鍾意發夢？無論喺發白日夢定喺成為一個夢想家，我相信每個人唔多唔少都會有一啲收埋喺自己內心嘅諗法🧠
太子花園街其實都幾多嘢食，行經 Le Reveur At Flower Market @le.reveur.cafe 呢間餐廳，比佢門口塊木板一句「His Mercy is New Every Morning」吸引咗我入去，同時令我諗起聖經耶利米哀歌3章22至23節「就是耶和華的慈愛永不終止，祂的憐憫永無窮盡。祂的慈愛和憐憫每天早晨都是新的，祂的信實無比偉大！」🙏
Le Reveur解作DayDreamer，相信老闆喺一個愛做夢嘅人，先會將呢間餐廳打造得別具一格，仲花咗唔少心思係裝修上面：各式各樣嘅燈罩、遍布成間餐廳嘅植物🪴、隱藏喺唔同空間嘅貓貓圖案🐱、優雅不俗嘅牆紙、瑟縮一角嘅經文，睇嚟老闆係一個又鍾意貓又鍾意靚嘢嘅基督徒😎
餐廳開咗一年幾，除咗喺一間Cafe有各式各樣拉花同手沖咖啡之外☕️，佢哋仲主打比較新穎嘅法國菜🇫🇷，原來老闆讀過法國烹飪課程，喺一個不折不扣嘅法國菜廚師👨🏻🍳，佢嘗試喺法國菜當中加入fusion元素，尤其加入咗好多本地嘅食材，令一道道嘅法國菜變得味道同價錢親民，帶比客人唔多唔少嘅驚喜🎊
✝️Pani Puri $38
仲記得之前喺尼泊爾食過呢款特色街頭印度小食，一般會配薯蓉、豆類、蕃茄等等，再淋上酸汁去食，非常開胃；餐廳就加入咗蛋黃醬蟹肉同青瓜喺薄脆嘅空心油炸脆球入面，一放入口，喺尼泊爾嘅回憶即刻返晒嚟🇳🇵
✝️Fried Bites $78
一份有4件酥炸生蠔🦪，另外配上切成薄片嘅青瓜同自家製泡菜蛋黃醬一齊食，咬開蠔肉熱辣辣仲爆汁💦，幾惹味，不過略嫌蠔有少少腥🤏
✝️From the Sky $148
將墨魚肉打成mousse🦑，釀入無骨連皮嘅雞腿肉入面🍗，雞腿卷一啖放入口，雞皮微脆，雞腿肉嫩滑，加埋淡淡墨魚香嘅mousse同酸酸甜甜嘅青金桔汁，雖然價錢有啲貴，但完全喺一道好考手工嘅菜👍
✝️Toast $38
看似喺凍食嘅甜品，點知喺一道精緻熱食嘅前菜，幾surprising🤩，吸睛嘅8粒剝皮烤香甜提子🍇，加上香而唔羶嘅西班牙羊奶芝士碎，放喺一塊香脆嘅多士上面，烤完嘅微溫喺口腔擴散，令人回味🥰
✝️Tart $58
混入中式元素，將老乾媽牛肉放喺防風草蓉撻上面，原本以為好唔夾，估唔到食落又幾唔錯🤣，防風草喺歐洲嘅芹菜蘿蔔，有啲似我哋嘅白蘿蔔；整體食落微辣，牛肉嘅軟嫩、防風草蓉嘅糊狀、餅撻嘅鬆脆，食落味道同口感層次好豐富😌
✝️Frittata $58
呢份意式蛋餅切開6件，用咗BB菠菜、風乾蕃茄、西班牙羊奶芝士同cream去整，所用嘅羊奶芝士脂肪比例較高，食落更加香滑，濕度較重，食咗兩件就開始飽肚🤪，仲有水耕沙律伴碟🥗
✝️Contemporary Pistachio Creme Brûlée $48
最後叫咗個用自家製原粒開心果同研磨開心果蓉整嘅焦糖燉蛋🍮，當中加咗原粒覆盆子，每啖都充滿開心果香😙，比平時食嘅傳統Creme Brûlée更有特色，如果焦糖面再脆啲就perfect🤓
叫咗杯用Honeycomb Craft coffee整嘅Dirty($45) ☕️，咖啡豆分別用咗20%日曬同80%蜜處理，飲起上嚟緊更香甜🍯，帶有輕輕蜜糖香，奶滑比例撞上咖啡飲落更正😋；
另外仲叫咗個Apple Tea($65)，飲完仲可以再添加🫖，茶香都幾濃🌱，食飽飲返杯就最啱
張貼
