檸檬冰室 (汝州街)

營業中

休息中

西九龍中心附近有間冰室，門面超級搶眼，大大個檸檬燈牌，黃色裝潢，店內環境簡約，燈光猛烈，平日晚上座滿，上枱速度快，店員服務態度友善，整體質素唔錯，經過肚餓可以一試。小炒款色眾多，豬牛羊蔬菜海鮮等，私心推介椒鹽肉排，大件夾抵食，肉質鬆軟，半肥瘦，香口惹味，散發椒鹽陣陣鹹香氣。粟米滑蛋斑塊都唔錯，粉漿厚度適中，魚柳無雪藏味，大人小朋友都啱食。健康之選有XO炒菜心，唔會死鹹，菜品新鮮，簡單食材，適合配飯。見焗飯麵有唔少人叫，貪心要埋牛肝菌汁焗雞扒試試，醬汁creamy，雞扒大塊，軟嫩，另外已切開為一件件方便食用，十分貼心。