意蠔屋 (已結業)

因為工作關係要喺大圍食lunch，本身係想食馳名鹽焗雞飯、椒鹽豬扒飯，不過朋友提議食意蠔屋，就下佢😆。舖頭環境超細都幾逼。食物真係不怎麼樣😅味道係極居家feel，其實真係偽西餐嚟，全部不合格❌。好彩唔係太貴，否則一定好激氣。白湯似係南瓜忌廉湯，但個湯杰到芡汁咁厚身，用嚟撈長通粉就啱哂，做湯就堅係咸到腎虧😏。紅湯正常。蒜香辣肉腸天使麵($44)/腸唔辣，仲要係白烚切片。天使麵淥起撈蒜蓉😂咩汁都無😂成碟野勁淡勁無味，我肯定超市買包即開即食嘅意粉醬好食100倍！芝士焗菠菜魚柳螺絲粉($54)/呢個都叫熱辣辣似有焗過，但又係好淡😂汁好稀，認真用白湯撈嚟食肯定仲好味😑。