士林棧 (已結業)

一直都有留意士林棧,今日終於有機會一試.雖然牛肉麵係招牌,但想試下其他特別野,所以無叫. 叫左皇柚雞扒陽春麵(牛肉湯).鐘意飲柚子蜜,但無諗過柚子加雞扒係幾夾嫁! 雞扒size正常,皮薄而且好脆,無咩肥膏,加埋上面嘅柚子醬好清新好開胃,柚子醬中和左煎雞扒嘅油膩.套餐可叫米線,,陽春麵,白飯/菜飯. 叫左少有嘅陽春麵,麵可配牛肉湯,蕃茄湯/清湯.哩到牛肉咁出名,梗係叫牛肉湯啦！一飲啖湯,有種鮮甜清清地嘅牛肉味,湯唔油,無咩味精.陽春麵條幼細,但夠煙韌 ,不錯! 麵會跟生菜,芽菜,木耳絲 成碗麵好大,食完好飽. 另外一個餐叫左日式漢方雞酒食配陽春麵.哩個一聽個名就知好補.日式係因為用上清酒,漢方就係指用左人參,杞子等中葯.湯底帶有輕微嘅酒味,應該係用上清酒嘅緣故,所以幾易入口.雞肉有好多件,肉質嫩滑,相信係落左單先加d雞落湯到煮嘅! 未夠候,叫多左個小食,梅貴豬扒.小食$27蚊都幾貴,所以都係跟餐抵d.豬扒係用左靚豬肉,入口係幾嫩.食落有種話梅味,但相比前兩款,豬扒就有d失色. 跟餐可以優惠價$9飲冬瓜茶.可惜,杯野真係過甜!