八福 (已結業)

用膳當日係平日晚上，餐廳本身應該好冷清下，因為係女人街入面，唔係當眼位。食物完全模仿日式餐廳，以烏冬、丼飯等為主食。今次用膳食左【照燒雞扒吉列魚柳飯+迷你熱湯烏冬】：HKD63及【汁煮牛肉斷脆香雞翼飯+迷你熱湯烏冬】:HKD63兩個餐都有跟小食，分別跟左中華沙律同泡菜。兩個飯嘅份量都適中但唔算多，肉嘅份量就真係幾多下。食物質素方面，照燒雞扒好一般，唔夠香；炸魚柳唔夠脆；雞翼就幾脆，但又唔夠香；牛肉就太散。整體賣相就唔錯嘅。