添好運點心專門店

營業中

休息中

之前都有同朋友嚟添好運食個飯，最鍾意就係食佢哋嘅酥皮焗叉燒包，今日我返完大陸嘅時候，喺高鐵西九龍站竟然比我見到添好運喺呢度開咗新鋪。咁啱又唔係好肚餓，就想嚟呢度食下點心同小食。我哋兩個人都係叫咗三樣嘢，一個必叫嘅叉燒包，一碟腸粉同一個燒賣。食物嘅水準其實同出面鋪頭差唔多，叉燒包都係咁好食。最鍾意就係上面果陣酥皮，成個包外脆內軟，所以每次我都一定會叫一碟。腸粉都唔錯，皮薄餡靚，唯一就係北菇雞球燒賣，一開始以為佢係普通燒賣，點知其實只係雞球，唔係好明點解呢個係叫燒賣，味道都還好既。