聚點 (已結業)

同家人一齊食飯就緊係想大家坐埋一齊一齊夾下餸比大家食～中式就最岩了一出地鐵站見到呢間港式中菜餐廳～見到都幾多人食就入來試下廚師的手勢啦～環境都不錯，唔會好迫咁～張椅子好有香港特式～幾特別發現原來午餐都幾正～而且係尖沙咀～呢個價錢，唔算貴啦！我地叫左個豉油王乾煎海虎大蝦！蝦好大隻！仲要份量都幾多～唔會好喊～超香的豉汁味～差點連蝦殻都吮埋～菠蘿生炒骨！排骨的量有好多～唔會有太多的汁浸住晒～新鮮香脆，肉唔會話好多肥～好味！呢個要推介給大家！呢個將爆茄子斑腩煲真係不得了～茄子整得好入味！但又唔係一”pet” “pet” 咁，但又夠「淋」！好班腩都好入味，但又唔會冇左陣魚味，炸得剛剛好，唔係散晒咁，份量剛剛好～而且同生炒骨一樣，唔會有好多汁，yummy！