美蘭廚房 (已結業)

📍 美蘭廚房 (鰂魚涌)鰂魚涌濱海街20-22號地舖———————————————美蘭廚房主打各種港式美食，車仔麵、油渣麵、三餸飯、酸辣粉、港式小食等包羅萬有，全部都充滿地道風味👍🏻 而且價錢合宜、份量十足，呢類小店的確買少見少，值得支持✨秘製叉燒飯(💰: 52 hkd)自從之前睇完食神重播，一直心心念念好想搵間好食嘅「黯然銷魂飯」🤣 呢度嘅叉燒質地偏爽口，唔會太肥膩，邊角有微微焦香，味道算唔上香濃，但勝在有自家製作無添加無味精嘅感覺，如果叉燒可以半肥瘦就更好了😙醬汁方面除咗平時嘅豉油汁，仲可以揀蔥油汁、咖喱汁同秘製泰式汁🤪 鍾意試新嘢嘅我揀咗佢嘅泰式汁，食落酸酸辣辣都幾開胃，不過好似都係豉油同叉燒飯夾啲😆窿邊太陽蛋就不過不失、正常發揮啦～ 份量同飯量都非常多，即使係男士們食一碗來當晚餐都唔怕唔夠飽👍🏻叉燒油渣麵 (大)(💰: 42 hkd)油渣麵主打用自家製嘅麵條，麵條比較粗身，掛湯力不錯～不過湯汁比較少，所以湯麵食到後面會有啲乾😛 配料方面，平時食開嘅油渣多數細細粒，但呢度嘅就全部都大大條，份量仲要唔少🤓 略嫌叉燒有啲太瘦唔夠juicy ，如果肥膏比例多少少，冇咁乾身會更好✨ 湯底