Le Steak Specialiste (已結業)

經過佐敦附近，呢到一條街直落全部都係餐廳，就好似一條美食街咁，我地左揀右揀，最後都係決左試下呢間好有懷舊港式扒房味道既西餐廳，成間餐飯既感覺都好襯呢條街既味道，地道得黎又有返咁上下歷史。間餐廳名都寫全叫 Le Steak 🥩 ，我地就嗌多一份 USA ribeye steak 五成熟 $ 268 ，份牛扒個賣相都幾正路，切開就似係7成熟，冇血但見粉紅，肉汁鮮嫩，根本上唔使再加sauce，就咁食佢既牛扒味仲出色。每款steak 都會配上薯條🍟同烤蕃茄。不過要注意⚠️menu上唔係每款都係晚市套餐。呢一款就係單點，冇跟沙律同甜品架。試完個steak就試嘛呢到既芝士焗龍蝦 $168有半隻芝士焗波士頓龍蝦🦞，好處就係每一個位都食到啖啖龍蝦肉，成隻龍蝦都焗得岩岩好！仲食到新鮮既龍蝦汁既味道。另外點既呢款小食：黃金大蝦 $188就反而有d令人失望。個炸粉醬唔脆，食落既感覺有少少似麵粉團，而且蝦既價錢仲比龍蝦貴，但份量又較少。而小食同主菜既配搭麵係一樣，有嘛薯條同雜菜沙律，呢樣野我就唔係好諗得明啦。最後埋單大約$800，以港式懷舊扒房黎講，價錢唔算抵食。不過服務態度唔錯。