聯發茶餐廳

營業中

休息中

今日經過九龍城，忽發奇想食茶記，舊式茶記在香港越來越少，而咁岩真係見到有一間。傳統懷舊港式茶餐廳裝潢，開放式水吧，可以大約睇到師傅在沖奶茶、檸檬茶，牆上有一部大電視在播放節目，可謂「麻雀雖小，五臟俱全」，卻有一番人情味。滑蛋蔥花叉燒飯 （$68）滑蛋呈黃金色，蛋味香濃，口感很滑，不會過熟而失去口感，叉燒份量適中，肥瘦適中，洋蔥爽口彈牙，附近打工仔可以一試。上碟的同時，店員十分細心，會馬上附上一支甜鼓油，可供自由選擇落嘅分量，重口味嘅我即刻落左唔少，同滑蛋和叉燒十分夾。叉燒雞（扒)飯除左有叉燒外，還有切好的雞扒塊，方便食用，雞扒塊連埋雞皮一起食用可謂一大享受，雞油香味惹口，加上鋪滿表面的蔥油，是米飯的盜取者。