影片
更多
2022-03-30
314 瀏覽
唔經唔覺今次嘅疫情驚影響咗我哋嘅生活超過兩年，我諗係大部份香港人嘅心目中，改變得最大嘅其中一個生活模式就係冇得去旅行，就係因為咁反而衍生出會周圍去香港唔同嘅地方探索一下！西貢絕對係其中一個熱點，依家每逢禮拜六日，西貢就變成一個景點，相信入去西貢行吓嘅人分分鐘仲多過喺旺角，我自己前一段時間都有入過去西貢散吓步，估唔到裏邊仲有一間老字號嘅西餐廳，咁就梗係去試吓，食個Early Dinner先。呢間餐廳無論佢嘅裝修風格燈光都好友80年代嘅感覺，入到去先知原來呢間餐廳係1974年開始建立，店舖主要售賣懷舊嘅港式西餐，呢一類型嘅餐廳喺香港已經買少見少，仲要咁多年都屹立不倒嘅話一定有佢嘅原因！今次我哋叫咗蘑菇汁牛柳拼意粉，咖喱炸龍利柳飯，紅酒燴牛肉飯同埋焗芝士肉醬意粉。我哋今次全部都係要套餐，所以另外仲有飲品餐湯同埋牛油多士。佢嘅牛油多士我自己超級推介！平時喺套餐上面一啲都唔起眼幾多錢估唔到呢度嘅質素超級好，份量好大好厚之餘，入口仲要超級酥脆，牛油香味勁濃絕對唔可以錯過！佢嘅餐湯都好足料，我覺得都不錯。 佢嘅主菜全部都大大碟份量十足，不過因為新鮮製造嘅關係所以等候嘅時間都有少少耐，但係我覺得全部食
西貢絕對係其中一個熱點，依家每逢禮拜六日，西貢就變成一個景點，相信入去西貢行吓嘅人分分鐘仲多過喺旺角，我自己前一段時間都有入過去西貢散吓步，估唔到裏邊仲有一間老字號嘅西餐廳，咁就梗係去試吓，食個Early Dinner先。
呢間餐廳無論佢嘅裝修風格燈光都好友80年代嘅感覺，入到去先知原來呢間餐廳係1974年開始建立，店舖主要售賣懷舊嘅港式西餐，呢一類型嘅餐廳喺香港已經買少見少，仲要咁多年都屹立不倒嘅話一定有佢嘅原因！
今次我哋叫咗蘑菇汁牛柳拼意粉，咖喱炸龍利柳飯，紅酒燴牛肉飯同埋焗芝士肉醬意粉。我哋今次全部都係要套餐，所以另外仲有飲品餐湯同埋牛油多士。佢嘅牛油多士我自己超級推介！平時喺套餐上面一啲都唔起眼幾多錢估唔到呢度嘅質素超級好，份量好大好厚之餘，入口仲要超級酥脆，牛油香味勁濃絕對唔可以錯過！佢嘅餐湯都好足料，我覺得都不錯。
佢嘅主菜全部都大大碟份量十足，不過因為新鮮製造嘅關係所以等候嘅時間都有少少耐，但係我覺得全部食物嘅質素都好好，呢個等候嘅時間絕對係可以接受嘅。
蘑菇汁牛柳拼意粉嘅牛柳入口好嫩滑，用叉輕輕一拉就已經可以切到，佢嘅意粉亦都唔會淋晒一舊，配埋佢嘅蘑菇汁我覺得都幾好食架！紅酒燴牛肉飯超級濃味，食得出店家應該係用咗好多心機去烹調，配上燉煮嘅牛肉絕對係白飯嘅小偷！焗芝士肉醬意粉嘅份量好多，男仔都未必食得晒。芝士嘅份量好多，味道嘅話都算不過不失。最後嘅咖喱炸龍利柳飯可能因為新鮮炸起嘅關係，所以等候嘅時間比較長，但係因為咁，所以我哋更加期待。佢哋嘅咖喱係以前傳統細細個食係啲港式西餐廳食到嘅味道，絕對係懷舊同埋香港古早味嘅感覺！龍利魚柳因為啱啱炸好嘅關係，所以入口超級熱辣辣，魚柳炸到金黃酥脆，配合少少辣嘅嘅港式咖喱絕對係一流之選！整體黎講我覺得呢間餐廳可以一試，大家如果去西貢嘅話記得唔好錯過啦！
張貼
