來佬餐館 (已搬遷) 新店位置

中環大把好嘢食，今日就去左充滿港式懷舊風情嘅來佬餐廳。一入到去已經好滿意佢嘅帶點懷舊的殖民式裝橫，店內情調高雅，侍應們西裝筆挺,令我宛如置身於六七十年代呢！黑牛已經唔係好多餐廳可以飲倒嫁喇。朱古力雪糕加上可口可樂真係好過癮。讚吖！法式焗田螺又係一傑作，未食已被焗得超香的蒜蓉味吸引，金黃色的薯蓉雖是伴菜，但充滿蒜蓉的香味，一淡一享受。主菜田螺大大隻，除了醉人嘅蒜蓉味外，更有田螺的鮮味，完全是味蕾的享受，色香味俱全。我們吃得連殻內的田螺汁也一飲而盡。身為雞翼大王，來佬雞翼又豈可錯過。一碟六隻，每隻都沾滿了來佬汁。咸甜味相相宜，而旦每口均是鮮雞翼夾着以豉油為主的汁，令我一隻接一隻，津津有味。脆皮乳鴿炸得香脆美味，每一口均是享受。選用的乳鴿大大一隻，特別嫩口，十分惹味，基本上不用點喼汁或椒鹽已經夠味。配上兒時最愛零食之一蝦片，真係唔係街邊燒腩店可以搵倒呢！雖然來佬餐廳的價錢難以跟茶餐廳比較，但水準絕對是高級餐廳的質素，加上雅緻嘅環境，於中環而言夠抵了。