魔怪食堂 (已結業)

又係weekend先黎落雨，唯有喺屋企附近覓食。勝利道的日式餐廳越開越多，但多數都行平價茶餐廳路線。落住雨費事行，便隨便坐入街頭第一間餐廳”魔怪食堂”，印象中這鋪位剛開張時是西餐廳，坐低先發現呢度亦變成主打魚生丼物。週日午市，幾乎滿座，人客多數是親子組合，且檯與檯之間距離親密，略顯吵雜。食物價格定位與對面同類餐廳如出一轍，魚生丼套餐約$50幾至百幾蚊不等，飲品仲要另外加$8起。滑蛋吉列豬扒飯（$58），份量唔少，滑蛋內好多洋蔥，不過豬扒偏乾，好明顯係雪藏豬扒，不過呢個價錢實在不可以要求太多了。海鮮丼$88就有點唔值了。飯同魚生的份量都非常之少，每種魚生薄切兼得一片，所謂的“toro蓉”質地甚至“膠膠哋”，雖然明知這價錢唔可以有d咩要求，但呢個價錢絕對可以在同一條街搵到d更加好味抵食的嘢。