伊賀日本燒肉料理 (已結業)

尖沙咀區一向不乏質素高嘅餐廳，今餐日本燒肉放題同樣都可以位列其中。餐廳座落赫德道，地點方便，用平版電腦落單，輕鬆撳兩個制就有野食。首先有我最愛嘅刺身船，帶子煙韌，肉厚新鮮；厚切嘅三文魚，魚油味香; 而甜蝦同樣選料上乘，滋味十足。餐前小食同樣可以任叫，螺肉及八爪魚非常惹味，食完之後令人胃口大開，迎接種種嘅肉食。和牛粒同肥牛片嫩口而帶有牛香嘅味道; 豬腩肉片燒得金黃香脆，同樣美味之極，而各款味道嘅雞翼醬汁亦掩得入味，令人不禁要多食兩隻。而炸物即叫即炸，當然要試啦。炸蠔肥美、雞軟骨勁香脆，樣樣質素都好高! 而燒扇貝加上牛油一齊燒，真係加晒分，品嚐份量大嘅扇貝，真係啖啖滿足!最後有Movenpick雪糕作結，3種味道任揀，甜絲絲軟綿綿嘅質地，確實係高質享受。