影片
更多
2020-06-11
1084 瀏覽
成日經過呢個街市都唔知原來樓上2樓有個類似food Court嘅美食薈，裏面有幾間可以堂食嘅舖頭，其中一間就係呢間的的骰骰嘅日式餐廳，所謂餐廳鋪面只係得張吧枱咁大嘅位置，但中午可以用埋隔離啲枱，人少少都可以即場堂食。雖然位於街市，鋪面都非常企理，好似日本魚市場裏面嘅一間舖頭仔，選擇除咗有單點壽司、小食，仲有唔同嘅魚生或者熟食定食，見有午市推介，就揀咗刺身飯定食：刺身定食由於每個餐都係即叫即整，等咗大概10幾分鐘定食就黎啦，一放上枱比碗超大嘅飯嚇親😂佢好貼心壽司飯熱烘烘，飯同麵豉湯仲出緊煙，麵豉湯味道濃郁，配菜有中華沙律。至於刺身方面一共有三塊三文魚、兩塊油甘魚、兩塊北寄貝同一隻大牡丹蝦，每一件魚生都大大塊好新鮮！三文魚肥瘦適中，特別讚賞另外三款刺身：油甘魚大塊厚切，油脂豐富！北寄貝淋身彈牙，新鮮有味道，大勝出面通常冇乜味嘅北寄貝！牡丹蝦非常大隻，肉質彈牙，又係非常新鮮！蝦頭裏面仲有黃色好新鮮嘅蝦膏，一啲腥臭味都無，非常欣賞！咁高質嘅刺身定食都只係$60，另外叫咗蟹肉忌廉可樂餅，即叫即炸，內涵做得非常幼滑好味！同行朋友仲叫咗滑蛋鰻魚飯、汁燒雞扒飯，相對冇刺身出色，汁煮牛肉飯就比較吸引，今
雖然位於街市，鋪面都非常企理，好似日本魚市場裏面嘅一間舖頭仔，選擇除咗有單點壽司、小食，仲有唔同嘅魚生或者熟食定食，見有午市推介，就揀咗刺身飯定食：
刺身定食
$60
154 瀏覽
0 讚好
0 留言
刺身定食
由於每個餐都係即叫即整，等咗大概10幾分鐘定食就黎啦，一放上枱比碗超大嘅飯嚇親😂佢好貼心壽司飯熱烘烘，飯同麵豉湯仲出緊煙，麵豉湯味道濃郁，配菜有中華沙律。
至於刺身方面一共有三塊三文魚、兩塊油甘魚、兩塊北寄貝同一隻大牡丹蝦，每一件魚生都大大塊好新鮮！三文魚肥瘦適中，特別讚賞另外三款刺身：油甘魚大塊厚切，油脂豐富！北寄貝淋身彈牙，新鮮有味道，大勝出面通常冇乜味嘅北寄貝！牡丹蝦非常大隻，肉質彈牙，又係非常新鮮！蝦頭裏面仲有黃色好新鮮嘅蝦膏，一啲腥臭味都無，非常欣賞！
咁高質嘅刺身定食都只係$60，另外叫咗蟹肉忌廉可樂餅，即叫即炸，內涵做得非常幼滑好味！同行朋友仲叫咗滑蛋鰻魚飯、汁燒雞扒飯，相對冇刺身出色，汁煮牛肉飯就比較吸引，今次食完一定會再黎試其他野
張貼
