燒味滷師 (成城大廈)

營業中

休息中

客家鹽焗雞半隻 ($25)皮滑肉嫩，雞皮透薄唔肥膩，肉質鮮味又唔乾柴。燒味佬叉燒 ($40)係我最鍾意嘅半肥瘦質地✨外層蜜汁烤得焦香又甜，內層肉質軟腍，口感不錯。至尊燒鵝 ($110)皇牌燒鵝係最好食！鴨身好大隻，外賣飯盒塞滿仍然係啖啖肉，無斬頸、斬碎料欺場。皮脆肉厚，咬開油脂香味爆發開來🤤 肉又滑口，香味濃郁，必試推介👍🏻👍🏻泰式鳳爪併海蜇 ($42)鳳爪爽口彈牙，配酸辣汁食好開胃。海蜇都好爽口，唔係久放變腍身嘅貨色。幾樣燒味都好食，門面仲好企理整齊，唔怪得放工時間舖頭出面經常有排隊人龍啦！