軍記海鮮菜館 (已結業)

去完佐敦買完野，搵個地方醫肚。原來百加士街有不少的食店，都幾花多眼亂，行過澳牛勁多人，又唔想排隊，見街尾近尖沙咀九龍公園的軍記有午飯SET LUNCH，價錢唔貴，可以一試。套餐送例湯，十分足料，D 花生煲得好棉，但應該有落味精，飲完有D口渴。蔥菜蒸鯇魚，魚係新鮮的，但蔥菜勁少，基本上唔講，以為清蒸鯇魚，個甜豉油汁搭夠，送食一流。咸蛋肉餅雖然係即蒸的，但D 肉質一睇就唔太新鮮，個味亦麻麻地，唔建議大家選來吃。D 阿姐招呼都幾好，睇得出軍記係做街坊生意為主，午市套餐係呢區來講都算平。可能佢地的海鮮小菜先係佢地的強項，午市就麻麻地。