Mamaday Studio (已結業)

面門色彩搭配鮮艷搶眼，喺舊區環境當中別樹一格！cafe內裝修設計走一貫玩味風格，到處都係打卡位！二樓仲有露台，環境開揚，感覺悠閒舒適，仲有兩隻貓貓，可以chill住歎咖啡蛋糕同玩吓貓。佐敦分店有別於其他分店，只賣咖啡、蛋糕同輕食。凍海鹽焦糖咖啡 ($48)焦糖醬同焦糖脆脆都係自家製，入口焦香味濃郁，散發住鹹甜交織嘅獨特風味。豆腐豆腐咖啡 ($48)除咗有一球豆腐味雪糕之後，咖啡入面仲加咗豆腐花，豆味濃郁，有層次感。布朗尼 ($42)口感綿密鬆軟，朱古力味道非常濃郁，甜度適中，唔會覺油膩。