影片
更多
2024-02-14
85 瀏覽
車仔麵絕對係我嘅comfort food，自從朋友介紹咗永年嘅車仔麵同韭菜豬紅比我之後，佢就成為咗我車仔麵店嘅top3👑而沙田呢一間永年同其他分店有啲唔同，除咗有鐵板扒餐之外，環境裝修都走港式懷舊風，真係另有一番風味🔥嚴重選擇困難症嘅我哋決定叫以下兩款車仔麵，set好曬有咩餸唔洗諗😆▫️男神麵 ($108)男神麵入面有牛柏菜、牛肚、豬腸、牛丸、牛腩、蘿蔔同菜，全部餸都入味又軟腍。食辣嘅記住要叫佢哋嘅特製辣汁，惹味好多架！▫️女神麵 ($108)呢款入面就有酸齋、枝竹球、冬菇、紫菜、蘿蔔、時菜，最重要係有3大塊花膠，可以補充膠原蛋白，啱曬各位女神❤️▫️美國頂級西冷扒 ($208)鐵板套餐有7款扒嘅選擇，仲包沙律或湯，有睇開我嘅post嘅大家都知我係酥皮湯愛好者，餐廳一有酥皮湯我都會叫，今次當然都唔例外🤣跟餐加$15升級咗酥皮牛尾羅宋湯，酥皮焗到脆卜卜仲有芝士香，羅宋湯足料但有少少鹹🤏🏻西冷大大塊，童年回憶返晒嚟，配埋炸麵夠晒特別。跟餐仲加$38叫咗個蝦多士，新鮮炸起熱辣辣一定好食啦😆▫️抹茶紅豆冰紅豆份量好多，成個杯有一半都係紅豆嚟😂抹茶嘅微苦味同紅豆嘅甜味相互平衡，好飲👍🏻
嚴重選擇困難症嘅我哋決定叫以下兩款車仔麵，set好曬有咩餸唔洗諗😆
▫️男神麵 ($108)
男神麵入面有牛柏菜、牛肚、豬腸、牛丸、牛腩、蘿蔔同菜，全部餸都入味又軟腍。食辣嘅記住要叫佢哋嘅特製辣汁，惹味好多架！
▫️女神麵 ($108)
呢款入面就有酸齋、枝竹球、冬菇、紫菜、蘿蔔、時菜，最重要係有3大塊花膠，可以補充膠原蛋白，啱曬各位女神❤️
▫️美國頂級西冷扒 ($208)
鐵板套餐有7款扒嘅選擇，仲包沙律或湯，有睇開我嘅post嘅大家都知我係酥皮湯愛好者，餐廳一有酥皮湯我都會叫，今次當然都唔例外🤣跟餐加$15升級咗酥皮牛尾羅宋湯，酥皮焗到脆卜卜仲有芝士香，羅宋湯足料但有少少鹹🤏🏻西冷大大塊，童年回憶返晒嚟，配埋炸麵夠晒特別。跟餐仲加$38叫咗個蝦多士，新鮮炸起熱辣辣一定好食啦😆
▫️抹茶紅豆冰
紅豆份量好多，成個杯有一半都係紅豆嚟😂抹茶嘅微苦味同紅豆嘅甜味相互平衡，好飲👍🏻
張貼
