龍湖居 (已結業)

今天在謝斐道金利文廣場二樓果間龍湖居午餐，十二時到達，人不多不用等位，這裡地方雅緻，雖然有點舊，但古式古香幾特別坐落點咗一個$128孖寶，有好多款選擇，揀咗一個紫蕊薯浸時蔬，菠蘿海鮮炒飯，另外就點咗我至愛嘅蝦餃皇同埋順德煎魚餅！鮮菠蘿炒飯，好多份量，菠蘿同蝦肉都好新鮮，有蔥花更加香口，紫薯時蔬（菜蕊）好鮮嫩同甘甜，感覺係好健康食品！蝦餃皇蒸得火候剛好，皮薄饀靚，水準好高！炸魚餅D魚肉鮮甜，但覺皮畧硬了一點，好喜歡吃脆口嘢就覺得好食！整體食物同招呼都不錯，感覺滿意！