沙田一至尊燒鵝·生滾粥品專門店 (已結業)

今日星期日，一起身已經2點幾，所以又走去石門食個下午茶，咁岩見到石門又新開左間叫沙田一，專門食燒味同腸粉粥果d嘅，就走入去試下。我地叫左一碗單拼燒鵝瀨同一碗雙拼叉燒燒鵝瀨。叉燒燒得好淋身～半肥瘦好好食。燒鵝就不過不失啦～但我單拼佢居然比左個燒鵝脾我～正😋。燒鵝最特別系個醬，佢用嘅系梅子醬～同平時食開果d唔一樣～都幾特別嘅。單拼$37，雙拼就$40，凍飲加$7，下午茶黎講唔算特別平，但想食燒鵝都可以試下嘅！