情味館 (已結業)

同父母出街食飯，大路西餐就穩妥啦，咁當然要係良心小店啦💛。今晚訂左五人，主要都係食肉，味道平穩冇驚亦冇喜，勝在大份、熱辣辣，調味係豉油西餐常用的汁醬，同埋慶幸冇見到鬆肉粉、鐵板呢啲不倫不類嘅嘢，能夠保留到肉自己既味道同埋口感。最推介應該係燒燒雞，每一個部位亦都有肉汁。我自己就覺得雞同羊膝調味稍為過輕手，建議可以加多啲香料、蒜蓉等去醃製，而田螺亦都有小小化學味，建議審視下入貨貨源。拿破崙蛋糕個皮唔係酥皮就令人失望，應該再研究下拿破崙蛋糕點整先正宗。整體而言，食物平穩得嚟有改善空間，但老闆娘招呼不遺餘力則抵讚！