何蘭正

營業中

休息中

星期日同老公睇完巨鴨之後，去中環何蘭正食午餐。我地都好鍾意餐廳裝修充滿本土味，又不失老土。24小時慢煮伊比利亞叉燒｜豬油撈飯｜日本溫泉蛋｜紅洋蔥漬｜大豆芽｜韓國紫菜叉燒口感軟腍，慢煮果然係唔同啲，豬油撈飯第一次食，又無想像中油膩喎，撈埋隻蛋食就最正。川味烤紅毛豬肋骨 | 薑味柚子醬烤美國雞胸 | 炸美國薯仔 | 蟹籽甜酸汁豬肋骨啖啖肉，雞胸一啲都唔鞋，薯仔同蟹籽甜酸汁都幾夾。花生味焦糖燉蛋｜煉奶鬆脆包｜露絲瑪莉菠蘿｜熱帶果醬(2位用)焦糖燉蛋幾嫩滑，焦糖片唔會黏牙，配煉奶鬆脆包食幾特別，滿足。叫左兩杯Cocktails: 芝麻花生湯圓同爆檸。前者甜甜地，好易入口，後者好清新。