影片
更多
2017-06-10
6619 瀏覽
約左朋友喺荃灣食晚飯，佢喺openrice搵左數間有唔少好評嘅餐廳，最終揀左呢間喺福來邨嘅韓國野。唔知係咪因為週五晚上，都幾多客人等位，朋友先到等位，大概20分鐘有位。餐廳位置唔算多，座位間密密麻麻，就算兩位與兩位間都係拍埋一齊坐…生意咁好，都應該嘅…一坐低，呀店員就飛本餐牌埋黎，明明想飛俾隔離枱又飛埋俾我地，飛還飛，眼界準啲ok(?)不過坐隔離左右表情冇思毫改變，而且幾乎唔洗睇餐牌已經可以落單，應該都係常客，見慣見熟。以小店而言，餐牌選擇都算多，有石頭鍋飯、鐵板燒、板燒飯、辛辣麵、湯年糕、豆腐湯、拌飯、炒飯、小菜、小食、部隊鍋等，定價親民。揀左一陣我地決定一人一份主食、飲品，再單點泡菜餅，於是我舉手叫店員落單，好笑架，有人應左，但你回頭望左望右，都唔見有人喺附近，或者口係見到佢地做緊其他野。終於有位店員應機，我點左水冷麵同泡菜餅後，佢轉身就走左…喂?!我未講完喎…點解走開嘅？你地鋪頭覺得兩個人黎就只係點兩樣野？有人想點埋飲品、點下小食，萬中無一？店員走開左，於是我又要花力氣去搵另一位店員。原來佢地冇收加一服務費，咁好啦，當我講廢話。餐枱偏小，點兩個主食僅僅放得落，額外加嘅小食黎到放唔
唔知係咪因為週五晚上，都幾多客人等位，朋友先到等位，大概20分鐘有位。
餐廳位置唔算多，座位間密密麻麻，就算兩位與兩位間都係拍埋一齊坐…生意咁好，都應該嘅…
一坐低，呀店員就飛本餐牌埋黎，明明想飛俾隔離枱又飛埋俾我地，飛還飛，眼界準啲ok(?)
不過坐隔離左右表情冇思毫改變，而且幾乎唔洗睇餐牌已經可以落單，應該都係常客，見慣見熟。
以小店而言，餐牌選擇都算多，有石頭鍋飯、鐵板燒、板燒飯、辛辣麵、湯年糕、豆腐湯、拌飯、炒飯、小菜、小食、部隊鍋等，定價親民。
揀左一陣我地決定一人一份主食、飲品，再單點泡菜餅，於是我舉手叫店員落單，好笑架，有人應左，但你回頭望左望右，都唔見有人喺附近，或者口係見到佢地做緊其他野。終於有位店員應機，我點左水冷麵同泡菜餅後，佢轉身就走左…喂?!我未講完喎…點解走開嘅？
你地鋪頭覺得兩個人黎就只係點兩樣野？有人想點埋飲品、點下小食，萬中無一？店員走開左，於是我又要花力氣去搵另一位店員。
原來佢地冇收加一服務費，咁好啦，當我講廢話。
餐枱偏小，點兩個主食僅僅放得落，額外加嘅小食黎到放唔落，店員就拎住碟野hang左機…又係嘅，碟野我食，梗係我負責移動啦。
海鮮純豆腐湯 $59
湯類可以選擇走辣/加辣，幾有彈性。
豆腐湯賣相正常，色水夠紅，唔會好稀身。食落都夠辣，點得豆腐湯，都預左重口味少少，預左會鹹少少、預左會口渴，所以個人就唔介意有味精感，辣粉本來都係味精野。
海鮮純豆腐湯
$59
130 瀏覽
0 讚好
0 留言
豆腐夠滑身。
海鮮純豆腐湯
$59
76 瀏覽
0 讚好
0 留言
海鮮都係有幾粒蝦仔、極細蜆仔，符合價錢。
海鮮純豆腐湯
$59
68 瀏覽
0 讚好
0 留言
飯煮得不俗，我食清光。
所以我覺得豆腐湯還可以，至於另外點嘅兩樣野，都係個伏…
大多數人都點石頭鍋飯，我估味道會好啲。
韓式蕎麥水冷麵 $45
朋友點嘅水冷麵，佢表示淡茂茂，加左辣醬食都無補於是
韓式蕎麥水冷麵
$45
95 瀏覽
0 讚好
0 留言
韓式泡菜煎餅 $38
泡菜煎餅厚份唔緊要，但求其煎幾下，食落糊口，似蒸餅。泡菜味都夠，肯煎耐啲香脆啲咪唔會出事囉。
韓式泡菜煎餅
$38
71 瀏覽
0 讚好
0 留言
韓式泡菜煎餅
$38
46 瀏覽
0 讚好
0 留言
飲品有檸茶檸水咖啡奶茶等港式飲品，另外有柚子茶、蘋果茶、梳打水、果汁等大路選擇，跟餐定價$7-$20。
蜂蜜蘋果茶 $10（跟餐）
蜂蜜蘋果茶
$10
63 瀏覽
0 讚好
0 留言
整體黎講，呢度只係屋村中嘅平價港式韓食，味道非常普通，甚至見到咁多好評，我同朋友都覺得係中伏。
有時食肆鋪位唔大，常多擺幾張枱，做多幾轉生意，都可以理解；呢度就真係較為密麻，枱櫈擺放滴水不漏，坐到卡位還好，否則好似我地三對2人組合，坐張6人枱，離座都逼到要隔離位起身先走到。基於冇收加一，服務呢兩隻字更加完全體驗唔到。
我地就唔會再黎食。
餐牌：
張貼
