金飯館貳·零 肉餅·焗飯專門店

營業中

休息中

餐廳因為推出了任食沙嗲牛麵而大有名氣，見好多人都稱讚佢嘅沙嗲牛麵高質好食。不過因為比較重口味，唔係人人啱。不過見餐廳另外都有好多特色食物，更選用高級日本蘭王蛋做食材，所以都專登黎試下。放工時間7點幾舖頭已經坐滿哂人。行茶餐廳設計，座位主要係卡位同圓枱，好大機會要同人搭枱。座都幾逼同埋貼，大家基本上快快手食完就走。今次試左招牌蔥油肉餅飯同埋蝦頭油炒飯，雖然兩樣都聽落好油，但食落唔會覺得油膩。蔥油肉餅飯配上橙黃色既蘭王蛋，增加食慾並提升味道，不過份量同唔算多，男仔食未必夠食。反而蝦頭油炒飯份量好多，加入左雜錦海鮮同櫻花蝦，飯炒到好乾身，粒粒分明有鑊氣。總括而言，推薦好食，不過要預環境比較逼夾。