楚撚記大排檔

營業中

休息中

香港地出名大排檔櫈腳，整返幾道鑊氣小炒，再同志同道合一齊整返杯啤爽一爽，咁先係香港特色嚟嘛！但天氣咁熱，又想食撚手小菜又想涼吓冷氣，嚟楚撚記大排檔食飯傾偈就最合適啦楚撚原隻脆皮炸豬手呢味菜份量十足，豬皮炸得香脆唔會硬，豬手肉質唔會太乾身，保留到肉汁喺入面，一路食一路飲好快無晒，一流！楚撚記脆皮燒BB鴿呢隻BB鴿好趣致，用個竹籃裝起佢，BB鴿肉嫩皮脆，非常香口，食每一啖都留晒肉汁出嚟，超正！鑊氣豉椒炒蜆食蜆最忌就係食到成口沙，唔係炒到點好食都無用，呢度嘅蜆好乾淨，隻隻都開晒口，經豉椒炒十分惹味，隊啤絕佳！避風塘鮮魷又係一碟夠晒鑊氣嘅小菜，避風塘嘅蒜香炒出嚟非常香口惹味，魷魚有咬口，沾上炸粉油炸又唔會好滯，推薦！👍🏻