影片
更多
2020-12-12
156 瀏覽
成日都好想去試呢間餐廳，因為佢啲三文治好特別。呢間餐廳好方便就可以去到，喺D出口向左望第一間就係佢啦。拉麵叉燒鐵板三文治🥪($56)聽到個名就知呢個三文治好正啦，佢係呢一間餐廳嘅王牌三文治既餡好豐富，有拉麵，溏心蛋，筍絲，粟米粒，最正最好味既係日式叉燒片😋。 而且，三文治裏面有味噌蛋黃醬，食落去唔會太乾。雖然第一次聽拉麵配三文治好奇怪，但原來係出奇地好match。 大家想食下拉麵，又或者係想食下三文治既話呢個就啱哂。呢個三文治都係一啖都咬唔哂，之後發現原來佢係有刀叉提供，所以建議大家都係用刀叉去食。蝦兵蟹將鐵板三文治🥪 ($62)另外呢個三文治都好好味，因為裏面有又大又酥脆既軟殼蟹😻而且裏面仲有小龍蝦沙律，紫椰菜絲，蘿蔔絲，超級豐富，份量又大又多。呢個包仲有他他醬係入面添架。除咗軟殼蟹外，龍蝦沙律入面仲有啲蟹籽，所以每啖食落去除咗有好豐富餡料外，仲會聽到咬蟹籽入面既’卜卜聲’。而且仲有啲醃製既蘿蔔絲，感覺開胃啲又冇咁熱氣。3日3夜自家手切薯條 (+$39 ~ lunch set)Hand3ag 既薯條係自家製，而且係必食推介。薯條份量好多，同埋係熱辣辣新鮮製造。薯條嘅特別之處係好粗同好
拉麵叉燒鐵板三文治🥪($56)
聽到個名就知呢個三文治好正啦，佢係呢一間餐廳嘅王牌
三文治既餡好豐富，有拉麵，溏心蛋，筍絲，粟米粒，最正最好味既係日式叉燒片😋。 而且，三文治裏面有味噌蛋黃醬，食落去唔會太乾。雖然第一次聽拉麵配三文治好奇怪，但原來係出奇地好match。 大家想食下拉麵，又或者係想食下三文治既話呢個就啱哂。呢個三文治都係一啖都咬唔哂，之後發現原來佢係有刀叉提供，所以建議大家都係用刀叉去食。
拉麵叉燒鐵板三文治
$56
6 瀏覽
0 讚好
0 留言
蝦兵蟹將鐵板三文治🥪 ($62)
另外呢個三文治都好好味，因為裏面有又大又酥脆既軟殼蟹😻而且裏面仲有小龍蝦沙律，紫椰菜絲，蘿蔔絲，超級豐富，份量又大又多。呢個包仲有他他醬係入面添架。除咗軟殼蟹外，龍蝦沙律入面仲有啲蟹籽，所以每啖食落去除咗有好豐富餡料外，仲會聽到咬蟹籽入面既’卜卜聲’。而且仲有啲醃製既蘿蔔絲，感覺開胃啲又冇咁熱氣。
蝦兵蟹將鐵板三文治
$62
7 瀏覽
0 讚好
0 留言
3日3夜自家手切薯條 (+$39 ~ lunch set)
Hand3ag 既薯條係自家製，而且係必食推介。薯條份量好多，同埋係熱辣辣新鮮製造。薯條嘅特別之處係好粗同好厚，入面真係有好多薯仔肉，真材實料。而且佢仲有3種醬汁可以揀咋，我哋揀咗松露蛋黃醬。呢個醬香味濃郁，黑松露醬味十分豐富，大家一定要試😋。
3日3夜自家手切薯條
6 瀏覽
0 讚好
0 留言
玫瑰鮮奶🌹 (+$10 ~ lunch set)
呢杯飲品賣相超靚，上面有玫瑰花瓣外，下面仲有玫瑰花jam🌹 打卡影相一流。玫瑰花味都好濃郁，而且啲鮮奶都好好飲，一向鍾意玫瑰花味産品既朋友一定要試吓😋。
伯爵茶鮮奶☕️ (+$10 ~ lunch set)
鮮奶上面嘅忌廉非常香滑，充滿奶油香味。而且鮮奶上面呢放咗一個迷你嘅Macaroon，原來係朱古力味！食落去好香濃，打卡一流！伯爵茶鮮奶係偏甜身，如果大家怕甜嘅話，不妨嗌少甜呀！
All in all, 我哋覺得蝦兵蟹將鐵板三文治係最好食既。因為軟殼蟹真係好吸引，而且配埋他他醬真係無得頂，當然拉麵叉燒鐵板三文治都好好食，仲有自家手切薯條一定要試吖，因為佢真係真材實料。呢間舖頭入面仲有部自動洗手機，方便大家清潔雙手。店舖職員態度都好好同好細心。下次去尖沙咀諗唔到食咩既話，不妨去 Hand3ag試下佢哋個lunch set!
張貼
