微辣大排檔 (已結業)

今次約咗成班朋友去沙田的「微辣大排檔」，以澳門微辣YouTube 頻道人氣節目 《微辣大排檔》為概念，裝潢特別，好多打卡位，冰室及大排檔二合為一，我哋今次就坐咗喺大排檔嗰邊，很好feel，食咗多款港澳不同地方嘅美食。【微辣自創】何伯爆屎渠以整條炸豬大腸再灌入甜酸汁，我哋選擇自己剪件，大腸香脆多汁，食唔停口。【大排檔區域 】米酒雞店員放上枱面後，淋上白酒點火，自己戴上手套分件， 雞面鋪上蒜頭及薑蔥，荷葉包裹，雞內釀有金針及雲耳，雞肉嫩滑，味道有層次。【大排檔區域 】皇冠小館 (澳門米芝蓮食店) 水蟹粥粥底非常軟綿，充滿蟹膏嘅精華，奄仔蟹肉質結實又鮮味。【大排檔區域 】李家菜 (澳門米芝蓮食店)咖喱牛筋牛腩配上巴西的牛勒條及牛坑腩和牛筋一起烹煮而成，咖哩汁好惹味，肉質好入味又軟淋。仲食左【大排檔區域 】大澳蝦乾肉餅煲仔飯、霍哥頂得住青檸樹、皇冠小館 (澳門米芝蓮食店)葡式Yelo 咖喱炒蟹、冰鎮新鮮八爪魚、椒鹽豬潤、大利來記豬扒包、微辣自家創鹹檸檬蟶子王及利強記北角雞蛋仔，非常豐富， 仲要飲埋微辣大排檔正×少爺手工啤酒，真係好爽。