我愛慢煮 (孖沙街) (已結業)

🤍我愛慢煮 (孖沙街) (上環)🖤上環孖沙街15-17號孖寶樓地舖今次第二食依間慢煮店，絕對係食過返尋味！難得在佢性價比高，唔收加一，可以話佢係港島區嘅清泉之一。上次主要食佢啲小食，碟碟都超驚喜又抵，今次試吓佢啲肉表現如何。美國安格斯特級平鐵牛扒依個簡直冇得輸，好少喺好啲嘅西餐見到依個價錢嘅牛扒。而且依道牛扒表現到慢煮嘅精髓——肉淋而嫩滑，未到即溶，但頗有水準。表現與價錢比較下，稱得上必點之選。秘製保濕豬鞍架秘製兩字吸引我試試依道菜。豬鞍架肉質厚實，厚切下好似無咩特別。直到試一件脂肪較高，先品味到個份油脂香！脂肪較高嘅部份非常好味，冇脂肪嘅部份就比較乾同實，視乎各人口味。PS:欣賞佢慢煮既配料係加錢配，任君選擇。其實如有自信，又何須用配料點綴。海鮮芝士忌廉菠菜第二次食呢道菜，依然係我嘅頭號心水！拉絲芝士與忌廉白汁共融，其中主角乾身菠菜中和左芝士忌廉嘅滯感。簡直令人一啖接一啖，實在邪惡，每啖都令人腦交戰！慢煮菠蘿，鹹焦糖朱古力布朗尼，意大利雪糕甜品不過不失，實在係焦糖同菠蘿都十分甜膩，口感沒有很豐富；但意大利雪糕出奇地軟滑，加了一點分數。結論係我會一直係佢既回頭客，只要佢keep住水準，