築地‧山貴水產市場 (已結業)

去唔到日本築地，來香港版的築地都可以食到新鮮水產食物，環境優雅寧靜，好舒服，不像兩年前剛開業人流多，又要網上預約時間進入，又迫又嘈。以前立食區，衹有企，沒有椅子的，老人家想去都唔得，現在完全唔同了，有椅子坐，能夠坐下觀看到全個維港，一邊品嚐美食，一邊欣賞風景。點了海鮮刺身併盤，有鮑魚，海膽，赤貝，海螺，帆立貝，青口，赤蝦和生蠔，樣樣都咁鮮味，又叫清酒佐酒小食，用了櫻花為主題的櫻花特飲，好清香花味，賣相吸引。另外，叫了鯛魚刺身，肉質煙韌得來又好爽甜。Amazing!點了吞拿魚壽司，大吞拿魚腩，真的入口即溶化，又嫩滑，好味！龍蝦泡飯，湯好鮮甜，肉質爽口，仲有好大隻蠔和蜆各一在內，所以好好味。下次有機會再去浜燒區試下燒海鮮的滋味先！