德家日式燒肉店 (已結業)

上網見到呢間燒肉半放題最近做緊優惠超岩我😻，事關好似話慶祝六週年，只要個名有德、家或興其中二個字（同音都得），又係三人或以上同行，就可以免費食燒肉/火鍋放題/午市定食一位，令我諗起早前台灣嘅鮭魚之亂🤣，而我甘岩個名有個家字，唔洗改名就可以有半價😌有半價緊係食豪啲，所以叫左C餐，有安格斯拼盤之餘仲有海鮮食！刺身盛包括三文魚、螺肉、甜蝦、帶子同赤貝，當中三文魚同帶子都好厚身，夠凍夠鮮。海鮮盛包括有鮑魚、大扇貝、海蝦、大蜆同甲羅燒，當中甲羅燒係燒三分鐘再攪勻佢再燒三分鐘，蟹膏同蟹籽mix埋係鮮甜得來又帶點口感，正而安格斯拼盤係高質牛肉，所以唔係任食，包括有安格斯牛頸脊、一口牛、牛舌同牛小排等而任食嘅肉類都唔少選擇，質素亦不俗，當中個人最欣賞牛舌，夠爽口而呢間燒肉最特別之處係有得出去自助吧度拎呢啲錫紙盤，倒入熱湯，可以自製打邊爐，真係第一次甘食法，非常適合食得咁多肉嘅情況之下，食下菜均衡返。仲可以喺自助吧度拎啲蒜返來炒肥牛，係一個價錢，多種食法。甜品方面，自助吧有幾款唔同嘅蛋糕、泡芙同豆腐花等每人仲可以點一杯MÖVENPICK/Fruttato/Mochiice 雪糕😍，夠曬誠意星期一至四來食