影片
更多
2018-12-29
459 瀏覽
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！話說，小弟係一個極之麻甩嘅人，麻甩仔當然要配茶仔啦！我未婚妻聖誕前一直話佢搵左間好出名嘅茶仔要帶我去試，佢搵茶仔同我一齊食喎，其實真係好窩心的，不過一直都撞唔啱時間，偏偏今個聖誕大家都無乜計劃，所以佢就帶左我去佢口中所講嘅茶仔，就係呢間聯威！係The One落車一路睇google map，都行左成15分鐘先黎到，好有探險feel！聖誕呀大佬，無人會係茶仔過聖誕架，所以食客都係街坊為主。一坐落伙計就熱情招乎，同我地介紹有乜食。洋蔥汁瑞士雞扒鐵板餐呢個真係食回憶必點。細個同未婚妻拍拖嘅時候，成日會去一間好up dup嘅茶仔食鐵板餐，個時都係講緊25蚊。過左咁多年，今時今日一舊水走唔甩，但呢度竟然只係$55就有交易！除左回憶之外，就係識我嘅人都知「熱未必一定好
話說，小弟係一個極之麻甩嘅人，麻甩仔當然要配茶仔啦！我未婚妻聖誕前一直話佢搵左間好出名嘅茶仔要帶我去試，佢搵茶仔同我一齊食喎，其實真係好窩心的，不過一直都撞唔啱時間，偏偏今個聖誕大家都無乜計劃，所以佢就帶左我去佢口中所講嘅茶仔，就係呢間聯威！係The One落車一路睇google map，都行左成15分鐘先黎到，好有探險feel！
聖誕呀大佬，無人會係茶仔過聖誕架，所以食客都係街坊為主。一坐落伙計就熱情招乎，同我地介紹有乜食。
洋蔥汁瑞士雞扒鐵板餐
呢個真係食回憶必點。細個同未婚妻拍拖嘅時候，成日會去一間好up dup嘅茶仔食鐵板餐，個時都係講緊25蚊。過左咁多年，今時今日一舊水走唔甩，但呢度竟然只係$55就有交易！除左回憶之外，就係識我嘅人都知「熱未必一定好食，但唔熱就一定唔好食嘅道理」，咁有咩仲熱得過鐵板餐？
今時今日好多餐廳所謂嘅鐵板餐都係唔熱，你當塊鐵板係隻碟上菜咁叫咩鐵板餐呢？但聯威係未上檯已經從遠處聽到鐵板嘅吱吱聲，我勁興奮！望住橙紅色嘅洋蔥汁係鐵板上跳躍同冒煙，真係好療癒！鐵板嘅配菜好傳統，就係幾塊蕃茄同鮮炸薯條！成個餐其實就無乜特別好講，因為食呢樣野真係多過食味道！信我，如果掛住小時候嘅鐵板餐就黎呢度啦！
洋蔥汁瑞士雞扒鐵板餐
$55
50 瀏覽
0 讚好
0 留言
跟鐵板意粉
$10
37 瀏覽
0 讚好
0 留言
皇袍鰻魚飯
老老實實，如果你成世人未去過日本食個d好有名嘅鰻魚，都可能會覺得正正常常擺得入口嘅，但你問我就覺得無乜特別，就係你去超巿最平個d急凍鰻魚囉！但係望下價錢，$68你又期望佢俾咩你？所以我覺得呢個飯叫fair啦。下次或者叫小菜會更好！
皇袍鰻魚飯
80 瀏覽
0 讚好
0 留言
紅豆冰
我細個嘅回憶入面無乜紅豆冰嘅出現，大概係因為紅豆冰要加錢而屋企人唔想我叫。到左宜家大個，就算負擔得起都唔敢成日叫，哈哈！呢杯紅豆冰其實唔合格。一杯完美嘅紅豆冰應該有大冰塊同碎冰，而呢度只有大冰塊，而且冰太少，好快就融哂變奶水。紅豆唔係自己煲而係罐頭野，又係無乜好講。
紅豆冰
32 瀏覽
0 讚好
0 留言
成餐飯d野食就真係水準以下，但人就係咁得意，食物好多時只係其中一小部分，更重要嘅係同邊個食、點解黎食、食物有咩意義。而今晚我就食得好開心，我食嘅係未婚妻嘅心意、佢嘅貼地同我地兒時拍拖嘅回憶。好感恩仲有一間餐廳做咁標準嘅鐵板餐，得閒我又回來懷緬下！
張貼
