早晨麵包 (已結業)

是日早餐, 係屋企食了麥皮, 回到公司又吔多個包. 弄到中午飽飽地, 冇乜心機食野, 而且出面又熱, 又下大雨. 在公司千日好. 中午lunch 俾我skip左.直至3點, 有份小差事去了上環處理. 事成理應去找家茶餐廳Hea一下, 但手拿著的東西比較重. 沒有心機找茶餐廳. 於是就在對面呢一間看似極西式的麵包店, 買個包回公司食. 買了一個Pizza包. 火腿粟米. 麵包看似沒有用過多的油去整. 食落, 感覺比較硬身同香味不足. 但腸胃感覺到, 沒油, 少脂肪. Feel到是健康的. 芝士, 落得不算多, 味道, 就由沙律醬帶出. 包雖不是太腍, 但勝在味道好. 沙律醬甜甜酸酸的, 亦帶出呢類Pizza包的特別味道. 而且, 此Pizza包係硬了少少, 但咬到入心, 一樣是軟綿綿的. 不錯.這兒, 看名字似是一家非常西式的麵包店, 但看到他們的吞拿魚包呀, 腿蛋包呀..是港式麵包啊. 另有一些法國包等等. 有港式包, 有西式麵包. 可以算是港西合壁的麵包屋吧.