影片
更多
2021-04-03
3921 瀏覽
復活節假期前夕，係Klook book 左個港麗酒店Staycation package，包一晚普通酒店房住宿加二人咖啡園Lunch Buffet同Breakfast Buffet，$2000樓下就得啦，平又好似唔係特別平，不過我地帶左兩個幼童都唔另外收錢，即刻就變左好抵。早餐可以揀係邊個餐廳食，地點有三個，Garden Cafe，Lobby Lounge或者Executive Lounge on the Seventh。原本想去Garden Cafe，點知9點已經滿座，即刻轉移陣地去Lobby Lounge。Executive Lounge on the Seventh尋日視察過，基本上將幾個會議室改裝做餐廳。當然Lobby Lounge環境好d，只係張茶几太低，食得有d辛苦。Lobby Lounge係平時下午茶既地方，裝修同環境有返一定質素。唔知呢度食既野同Garden Cafe有無分別。入口就見到一行熱盤，有西式既自助多士，煙肉，薯餅，番茄，豬肉香腸，火腿同焗豆。薯餅開頭食都還可以，外脆内軟，配茄汁一齊食好味道，可惜到左後期連茄汁無哂都無人加。開頭覺得奇怪點解連炒滑蛋都無，原來番
早餐可以揀係邊個餐廳食，地點有三個，Garden Cafe，Lobby Lounge或者Executive Lounge on the Seventh。原本想去Garden Cafe，點知9點已經滿座，即刻轉移陣地去Lobby Lounge。Executive Lounge on the Seventh尋日視察過，基本上將幾個會議室改裝做餐廳。當然Lobby Lounge環境好d，只係張茶几太低，食得有d辛苦。
Lobby Lounge係平時下午茶既地方，裝修同環境有返一定質素。唔知呢度食既野同Garden Cafe有無分別。入口就見到一行熱盤，
有西式既自助多士，煙肉，薯餅，番茄，豬肉香腸，火腿同焗豆。薯餅開頭食都還可以，外脆内軟，配茄汁一齊食好味道，可惜到左後期連茄汁無哂都無人加。開頭覺得奇怪點解連炒滑蛋都無，原來番茄到左後期就會變左炒滑蛋。豬肉香腸超厚身，唔會過鹹，味道還可以，不過唔脆皮。
中式早餐有炒飯，中式炒麵，蘿蔔糕粒，中式點心兩款，白粥同牛肉粥。中式炒麵係好食既。點心有糯米雞，粉果，個皮超厚既蝦滑餃，同後期先見到既燒賣同豬仔叉燒包。燒賣見到人食但係我地從來都見唔到有得攞。
豬仔叉燒包
26 瀏覽
0 讚好
0 留言
豬仔叉燒包好彩攞到最後一個。我d小朋友勁鍾意，已經飽飽都食哂成個包。
粥偏稀。
西式既早餐仲有幾款簡單沙律如沙律菜，長豆角，紅蘿蔔片，選擇唔多。另外有幾款沙律醬俾你自己加。乳酪係雀巢，有士多啤梨，藍莓，菠蘿同原味。質素ok，可惜到後期唔refill......Smoothie有芒果同士多啤梨味，味道正常不過唔知點解係用扁平兜而唔係用杯裝。火腿有三款，分別係意式肉腸，黑森林火腿同意式風乾里肌肉。煙三文魚油脂味濃又唔過乾，好味。
Cereals有三款，分別係麥片，燕麥方脆同玉米片，全脂奶一支俾你自己加。
奄列檔同麵檔值得食，所以長期要排隊。奄列有洋蔥碎，蕃茄碎，甜椒碎，火腿片，磨菇片，同芝士碎揀。即叫即煮，略嫌配料唔多，不過蛋汁豐富，感覺健康。你鍾意叫厨師煎蛋都得。
奄列
42 瀏覽
0 讚好
0 留言
奄列
19 瀏覽
0 讚好
0 留言
麵檔有幾種麵揀，粗幼都有，配料有雲吞，丸類同青菜菇類。
我試左一碗雲吞幼麵，特別講低想要彈牙d，又真係煮到，雖然幼麵放左係湯入面而唔係雲吞上面。雲吞則教為失望，無鮮蝦，只有蝦滑，皮都幾厚。我食左一碗就無再食。
原味鬆餅, 巧克力鬆餅, 小麥牛角包, 丹麥酥餅
74 瀏覽
0 讚好
0 留言
不過，最正既係呢度既麵包同酥餅！肯定係自家餅房新鮮出爐，選擇又多。牛角包都有兩款，分別係普通牛角包同小麥牛角包，用夾夾都聽到酥皮係幾薄脆。丹麥酥餅都有多款，朱古力，紅莓醬，藍莓醬，玉桂，基本上全部都係高質。我特別鍾意呢度既玉桂丹麥酥餅，外脆而裏面既玉桂醬連蘋果粒又多又好味。鬆餅有原味同朱古力味，整得細細個方便淺嘗。
菠蘿包, 軟麵包
72 瀏覽
0 讚好
0 留言
軟麵包都有多款，有芝麻包，復活十字包，連菠蘿包都有，個菠蘿皮係及格既。
小麥牛角包, 軟麵包, 丹麥酥餅, 菠蘿包
24 瀏覽
0 讚好
0 留言
鮮果拼盤就係常見既西瓜，蜜瓜，哈密瓜，菠蘿，火龍果，仲有原個水果例如鴨嘴梨，布林，橙。
其他水果都有切細既士多啤梨同糖水梨，放係瑞士麥片隔離。瑞士麥片有豐富果仁同果乾，已經撈好乳酪，乳酪無refill唯有食多d瑞士麥片。最後就係芝士拼盤，有三款芝士，分別係Parmesan Cheese, Brie同Boursin Cheese。Boursin Cheese鹹鹹地但超滑。我最鍾意Brie，因爲唔鹹又滑，不過食完頭一轉就無refill。上面既無花果乾又係無refill。可惜可惜......
士多啤梨
14 瀏覽
0 讚好
0 留言
果汁可以請服務員攞，有橙汁，蘋果汁同西柚汁。
總括而言，都食得飽既，雖然無乜野好食，主要係食包飽。食物無乜refill真係唔多理想。唔知道如果係Garden Cafe食會唔會好d呢？服務都唔差既，勉勉强强俾個OK啦。
張貼
