川熙樓 (已結業)

今日陪左朋友去婚紗街試婚紗，試完之後佢話想去食川菜，見到係婚紗街附近既君怡酒店新開左呢間川熙樓，咁就2個女仔黎試新野。雅緻既裝修，地方幾大，但係座位唔係太多，所以坐得好舒服。點菜前，侍應已經奉上左壺茶俾我地，原來係苦喬麥茶，好清香。另外餐前小食有麻辣花生同埋醋蓮藕。其實麻辣花生有D似我地平時係茶樓食既脆花生，不過因為佢用左辣椒炒過，所以會多左陣辣味，一粒接一粒食唔停。另外個醋蓮藕酸酸地好醒胃，好爽口。口水雞  $138/半隻食川菜又點可以唔點口水雞。器皿既外型好得意，好似一隻放大版既匙羹。講返隻口水雞，雞肉好嫩滑，加上微微既麻辣香味，唔會話辣到難以入口。不過可惜半隻真係無幾多舊，下次應該要叫全隻先得 XD椒麻鹽水蝦 $98果然不愧係招牌菜，每一隻鹽水蝦都好爽口，蝦肉有陣陣麻味，但係麻而不辣。而下面就鋪滿左青瓜絲，一黎可以做裝飾，二黎如果客人覺得辣，又可以用黎解辣，一舉2得。不過我試左一啖，略厭D青瓜太碎，所以無再食。麻辣牛肉麵 $98/例呢個麻辣牛肉麵就有D普通，相對我平時係其他川菜店食，呢個就有少少失色，麵質唔係咁岩我口味 ><