泰寶龍

營業中

休息中

偶然入西貢行吓，老友介紹呢度有泰國野食，就跟佢去試吓。行入去條巷仔，入面都幾似泰國街頭橫巷食店，因為鋪仔細細所以坐落有啲逼，坐低求其叫幾個常食泰式食品做個比較。叫左串燒、蝦醬炒飯、芥蘭炒牛肉同泰式蠔仔蛋。4樣野只係覺得個炒飯同泰式蠔仔蛋可以。炒飯有別於平時茶餐廳嘅蝦醬香味，佢比較惹味咸香，不過飯就偏濕軟。而泰式蠔仔蛋鉄板上有特色，甚有蛋香，不過啲蠔生生地同有少少沙，所以我都唔敢品賞太多。串燒只係做返基本品質，估計可能用現成急凍貨。至於牛肉炒芥蘭啲牛就慘啦，一啲牛味都無，唔知啤水定本身牛肉問題，加返啲底味會好啲。價錢方面，4樣嘢加埋三百六，份量就唔係好夠。不過望出去成街遊客，忽然覺得收遊客區價都好合情合理。