嘉咸咖啡 (已結業)

因為晌附近返工，所以唔經唔覺都keep住幫襯左2年幾lu！佢地d水準好平均。<br />頭盆/小食方面，白汁磨菇多士d白汁磨菇整得好香、好滑，配脆脆o既多士好正！至於白酒煮青口，d青口煮得好有鮮味，個汁好鮮甜，好味。<br />我自己特別鍾意佢地o既Pasta！辣肉腸長通粉係我o既至愛，酸酸辣辣，仲有濃濃o既茄醬，好味都我每次去到都忍唔住要order。另外，茄汁大蝦天使麵、香芹大蜆意粉、蕃茄意粉、白汁鮮菇意粉......等，仲使d材料好簡單，但係都整得好美味。<br />佢地o既法式香芹燴牛肉都好正，d肉粒好tender，香芹肉汁好清甜，用o黎送飯一流！d湯汁裡面仲會有原粒o既黑椒，味道好夾。<br />至於甜品，佢地o既法式燉蛋上面有層薄薄o既糖脆，裡面係濃濃酒味o既燉蛋，又香甜又軟滑。<br />咖啡同水果茶都幾好架！Apple & cinnamon Tea好香甜，飲完好舒服。<br />環境都好舒服，靜靜地，個人可以好放鬆。<br />所以每次我食完，都會覺得好滿足架！