影片
更多
2015-12-03
3155 瀏覽
上次趁着星期日同過老婆嚟食晏，佢一致贊好，當然唔好食就梗喺唔帶佢啦。短期內再翻兜嘅餐廳，悠蔬食都喺屬於少數之一，無他嘅，好味之餘，配搭有心思，賣相又精緻，食素啱老婆口味更喺其中主因之一。獨食難肥，好嘢就梗喺要共享，所以，多拉埋另一位老友一行三人過嚟找「素」 。近年食素嘅人多咗好多，尤其後生嘅，豈止綠色星期一，有啲朋友更喺隔日就要綠色添。好在我哋有訂位，因為，唔單止坐滿全場，離開時晌門外更見到仲有三幾人等緊位。之前嚟過已知晚餐最划算，五道菜晚市套餐已有齊前菜、手卷、餐湯、主菜及甜品，才$218一份（部份主菜需補錢）， 所以，毫無懸念就喺點晚餐 。雖然，唔知幾耐轉一次款，但跟上次晚市比，菜式大部份唔同咗，不過，配搭依然盡見創意，亦加入咗好多秋冬時令及滋補食材 。店員推介新出嘅「秋季限定特色飲品」，套餐本身唔包飲品，不過，加配可享有正價減$10嘅優惠，既然睇落真喺幾滋潤，大家又想試，啱啱有3款，就不如一人一款試勻晒 。 無限雙雪 $38（套餐價$28） 以無花果、雪梨、雪耳煲成，老婆話味道清淡而，但感覺潤喉，而無花果清甜無酸味，味道不俗。從餐牌所知，有多重功效，喺健康之選。
近年食素嘅人多咗好多，尤其後生嘅，豈止綠色星期一，有啲朋友更喺隔日就要綠色添。好在我哋有訂位，因為，唔單止坐滿全場，離開時晌門外更見到仲有三幾人等緊位。
之前嚟過已知晚餐最划算，五道菜晚市套餐已有齊前菜、手卷、餐湯、主菜及甜品，才$218一份（部份主菜需補錢）， 所以，毫無懸念就喺點晚餐 。雖然，唔知幾耐轉一次款，但跟上次晚市比，菜式大部份唔同咗，不過，配搭依然盡見創意，亦加入咗好多秋冬時令及滋補食材 。
店員推介新出嘅「秋季限定特色飲品」，套餐本身唔包飲品，不過，加配可享有正價減$10嘅優惠，既然睇落真喺幾滋潤，大家又想試，啱啱有3款，就不如一人一款試勻晒 。
無限雙雪 $38（套餐價$28） 以無花果、雪梨、雪耳煲成，老婆話味道清淡而，但感覺潤喉，而無花果清甜無酸味，味道不俗。從餐牌所知，有多重功效，喺健康之選。
無限雙雪
$38
49 瀏覽
1 讚好
0 留言
睇個名就知晒有咩成份，同樣有多重功效，老友話個蜂蜜茶好清甜滋潤，療效就好難即時感覺到，但飲落絕對好舒服。
桂圓杞子菊花蜂蜜茶
$38
70 瀏覽
1 讚好
0 留言
小弟一向鍾意飲生果汁，所以，杯香橙甘筍特飲就由小弟試試，色澤橙紅鮮艷十分搶眼，其實味道唔喺好突出，甘筍味稍為重少少，但其中一個功效「補肝明目」，對我依等亂食嘢周身毒素，又大近視，就應該最受用。
香橙甘筍特飲
$38
42 瀏覽
1 讚好
0 留言
紅菜頭蘋果合桃沙律 啲蘋果粒都染成紅色，差啲認唔到佢出嚟，爽脆嘅蘋果粒，夾軟腍嘅紅菜頭粒，再配搭香脆嘅合桃，令個沙律既健康，又富營養，再者，驕紅嘅外觀實在誘人。
紅菜頭蘋果合桃沙律
87 瀏覽
1 讚好
0 留言
豆腐乾滷得入味，入口挺實有點點咬口，富豆香，又有鹵水嘅醇厚味；而蓮藕片鬆化帶點香甜，估唔到夾豆腐乾都唔錯，加上糝下黑白芝麻，令依道涼拌前菜嘅香味更有層次。
滷水豆腐拌蓮藕
79 瀏覽
1 讚好
0 留言
睇個名已經引頸以待，未嚟已幻想緊山藥麵線喺點？造型非常清新，以山藥刨成麵線，幼細如絲，像真度十足，入口滑溜之餘，更有點點回甘味 ；淋上鮮熱情果汁，意外地啲熱情果汁無預期中咁酸，多添一份天然果香新鮮感 。
日本山藥麵線拌熱情果汁
126 瀏覽
1 讚好
0 留言
雖然轉咗餐牌，但手卷跟上次嚟食嘅都喺同一款式：露筍素香鬆苜蓿芽手卷及香芒牛油果苜蓿芽手卷，似乎都受客人歡迎所以保留不變。
露筍素香鬆苜蓿芽手卷 上次試過香芒牛油果苜蓿芽手卷，所以今次就試另一款。有機苜蓿芽咬落爽爽脆脆，加埋清爽嘅青瓜、嫩口無渣嘅露筍及鹹香嘅素香鬆，喺一件好清新嘅手卷。
露筍素香鬆苜蓿芽手卷
84 瀏覽
1 讚好
0 留言
牛油果喺老婆喜愛嘅食材之一，所以，二話不說就揀試依款，軟綿嘅牛油果加上鮮甜嘅芒果及少少素香鬆，味道清甜中滲出微微鹹香，好有個性。
香芒牛油果苜蓿芽手卷
66 瀏覽
1 讚好
0 留言
晚餐嘅湯品一定喺一中一西嘅選擇，雖然其中一個喺西湯，但出奇不意加入中式食材「雪耳」，感覺幾破格 ，加埋時令嘅南瓜及栗子做湯，真喺合時而有特色嘅湯品。個忌廉濃湯，入口唔單止香滑，確實帶有好濃郁嘅南瓜、甘筍香味，湯內粉香嘅栗子粒、爽脆嘅雪耳碎，都平添幾分口感 。
南瓜甘筍栗子雪耳忌廉濃湯
81 瀏覽
1 讚好
0 留言
竹笙蟲草花百合蓮子燉湯 佢哋做嘅燉湯亦有一手，燉得夠火喉，入口又滋潤，單以材料陣容，已有健康滋補之效。秋冬飲碗燉湯，真喺寧舍滋潤到不得了，尤其依代人為工作都少咗湯水，所以，睇得出店家真喺為客人著想而製作認真，而唔喺「求求其其」整碗例湯應酬吓就算。
竹笙蟲草花百合蓮子燉湯
53 瀏覽
1 讚好
0 留言
主食有5款選擇，分別有珍珠糙米飯、扁意粉、咖喱配印度薄餅、千層闊麵及意大利飯，但部份要額外補錢$10-$20。
和風松露野菌秋葵炒扁意粉（套餐+$10） 雖然話喺和風，但加入黑松露醬，又以野菌為主，賣相、味道均偏向西化。扁意粉入口煙韌有咬口，掛滿松露醬，令每炷意粉都芳香馥郁；秋葵獨特嘅滑潺潺嘅感覺，跟野菌一起，又唔覺古怪喎，總之就喺好食。
和風松露野菌秋葵炒扁意粉
109 瀏覽
1 讚好
0 留言
因為上一次已試過依道菜，見佢晌今次餐牌中仍然有出現，所以，推介俾佢哋試，原因個紅咖喱香辣兼備，又唔會太嗆喉，配薄餅及糙米飯都好食；內裡又有好多野菜，如芋頭、三色椒、露筍、青瓜、西蘭花、椰菜花……等等，而猴菇丸入口煙煙韌韌好得意。
紅咖喱野菜猴菇丸配印度薄餅及珍珠糙米飯
62 瀏覽
1 讚好
0 留言
源於有牛油果，所以，老婆指明要選依個主食，千層濶麵焗得香滑，混有好多芝士，香氣四溢，再者，微微烤焦嘅賣相，就更為吸引。粉香嘅日本南瓜，軟滑嘅牛油果，以及酸香嘅蕃茄醬，本已令個濶麵味道出眾，再加埋腐皮，有啲神來之筆嘅感覺，口感豐富 。
日本南瓜腐皮牛油果焗千層濶麵
84 瀏覽
1 讚好
0 留言
最後，都輪到甜品出場，有紅棗桂圓椰汁糕同熱情果乳酪蛋糕，為咗方便共享，我哋就要咗前者兩客，後者一客。
紅棗桂圓椰汁糕 雖然只喺普普通通嘅蒸糕，但一層一層相間，功夫就自然多好多，紅棗味比較突出，桂圓喺預期有啲龍眼肉粒，但又唔喺好覺，椰汁部份就較清，唔喺極濃嘅情況，質感柔韌，其實都幾好味。
紅棗桂圓椰汁糕
69 瀏覽
1 讚好
0 留言
正如上次嚟食晏所講，佢哋啲芝士蛋糕的確芝士味濃，可是，餅底依然做得太厚。不過，夾熱情果醬，比起上次夾柚子蜜，效果好啲。
熱情果乳酪蛋糕
52 瀏覽
1 讚好
0 留言
張貼
