李家 (已搬遷) 新店位置

韓國店嘅炸雞份量大，大部分朋友唔鍾意食炸嘢，自己一個又食唔到，所以一直冇食過。專程行過去“李家”諗住食炸雞杯，貪佢一人份。等咗5分鐘左右就有，炸粉厚薄正常，食落粒雞本身冇乜味，略乾身唔夠多肉汁，要靠茄醬芥末醬提味，但即炸夠燙口，而且都有十幾廿粒，店方有特製兩指即棄手套及牙籤供應，唔使食到成手係醬，又有杯汽水响底，邊行街邊食過下口癮都唔錯。