譚仔雲南米線 (惠安苑)

營業中

休息中

好耐無食譚仔了，今日係鰂魚涌心血來潮想去，發現好多人等位。等咗大概十幾分鐘，就有位入座。叫咗個湖南酸辣湯底嘅米線，而餸方面就叫咗雙餸—魚蛋同雞肉。上到檯之後，發現雞肉偏紅，好似未熟似的，但實際上，應該係本身雞肉嘅質素就算熟了都係比較紅紅的。就算放落個熱辣辣嘅湯入面浸，雞肉嘅顏色都好似無變過，唔係雪白色果種雞肉。不過味道正常，不過不失。魚蛋有四粒，係爽口兼有少少彈牙，算大大粒。而湯底辣中帶酸，辣度無得揀，個人覺得有少些辣。